Queer eta trans erakundeok Israelgo estatu genozida Eurovisionetik kanporatzea nahi dugu, ORAIN!
Eurovisionek aspalditik erakarri ditu LGBTQIA+ komunitatearen grina eta babesa, eta Israelek, berriz, musika lehiaketa aukera paregabea ikusten du bere gerra krimenak, indarkeria koloniala eta garbiketa etnikoa arrosaz makillatzeko. “Garbiketa arrosa” Israelek LGBTQ+ eskubideak zinikoki ustiatzea da, irudi aurrerakoia proiektatzeko erabilgarria zaio, eta aldi berean, genozidioa gauzatzen jarraitzen du.
Europako Irrati-Telebisten Batasunak betoa jarri zion Errusiari, Ukraina legez kanpo inbaditu eta ia berehala, baina tinko darrai Israelgo estatu sionista genozida lehian mantentzeko.
Europako Irrati-Telebisten Batasunaren ankerkeria moral selektiboa ez da ustekabekoa, arrazista da. Ukrainako sufrimendua ulergarria eta premiazkoa da, Europaren autoirudi supremazista zuriarekin lerrokatzen delako, palestinarren sufrimendua ikusezin bihurtzen, ukatzen eta despolitizatzen den bitartean. Hau enpatiaren gramatika koloniala da: gorputz batzuk humanizatu egiten dira, eta beste batzuk, berriz, baztergarriak bihurtzen dira.
Bi urteko genozidioak gosete artifiziala, desplazamendu masiboak, suntsipen kulturala eta zibilen aurkako eraso deliberatuak eragin ditu Gazan. Israel Eurovisionen mantentzea Gaza gosez hiltzen den bitartean orden genozida horretan parte hartzea da.
NBEk argitaratutako txosten berriak, “Gazako genozidioa: krimen kolektiboa” izenekoak, Israelek Eurovisionen parte hartzea aipatzen du, “Israel kontuak ematetik babestua izan dela” erakusten duen adibide nabarmen gisa. Israelen Eurovisionen parte hartzea behin eta berriro mantentzeak, Europako Irrati-Telebista Batasuna konplize biurtzen du, ez bakarrik palestinarren aurkako Israelgo genozidioa zuritu eta makillatzearen konplize, baizik eta berau erraztearena ere.
Israelek Eurovisionen etengabe parte hartzeak erakusten du Europak indarkeria koloniala onartzen duela eta horrekin bat egiten duela erasotzaileak bere interes geopolitikoekin bat egiten duenean. Israel Eurovisionen sartzeko EBk hartutako erabakiak indartu egiten du Europako erakundeen eta Palestina desjabetzeko makineriaren arteko aliantza luzea.
Boikot, Desinbertsio eta Zigorren (BDZ) palestinar mugimenduak Eurovision Abesti Jaialditik erretiratzea eskatzen du, Israelgo estatu genozidaren partehartzea debekatzen ez bada. KAN irrati-telebista israeldarrak behin eta berriro genozidioa etengabe justifikatu eta bultzatu du.
Israeli Boikot Akademiko eta Kulturala egiteko Palestinako Kanpainak (PACBI) esan zuen bezala: “Gazako su-etena (Israelek behin eta berriz urratu duena) deitutakoaren aurretik, Holandako, Espainiako, Irlandako, Islandiako eta Esloveniako irrati nazionalek adierazi zuten Eurovisionetik erretiratuko zirela Israel debekatzen ez bazen”.
Artikulu hau idazteko unean, bost irratik lehiaketa boikoteatzea erabaki dute, eta irabazle ohi batek garaikurra itzuli du, Israelek azken bi urteetan sortutako baldintza genozidek palestinarren bizitzak eta bizibideak suntsitzen jarraitzen dutela salatuz. Beharrezkoa da parte hartzen duten irrati-telebista guztiei presioa egitea, berehala eta publikoki Eurovisionetik erretiratzeko konpromisoa har dezaten, Israelgo estatu genozidak parte hartzea debekatzen ez bada.
Erretiratzeari uko egiten dioten Europako irrati-telebistak Israel babesten ari dira kontuak errendatzetik, Gazan 2,3 milioi palestinarren aurka egindako genozidioaren konplize biurtuz. Legalki eta etikoki, egin dezaketen gutxienekoa Eurovisionetik berehala erretiratzea da.
Queer askapena ezin da kolonizatutako herrien hondakinen gainean eraiki. Israeldarren kolonialismoari aurre egiten ez dion trans edo queer politika oro inperioaren beste beso bat besterik ez da.
Palestinarrak, beti bezala, existitzen eta eusten jarraitzen dute. Palestinako eta mundu osoko queer kolektibo gisa, gure nortasunen instrumentalizazioa arbuiatzen dugu, eta kolonizatutako pertsonengan zentratutako askapen borroka batekin konprometitzen gara, ez kolonizatzaileengan. Ezin da queer eta trans askapenik egon palestinarrentzako askatasun, justizia eta deskolonizaziorik gabe.
2025ean, zinemako milaka profesionalek, musikarik eta beste figura kultural batzuek publikoki adierazi zuten palestinarren aurkako Israelgo genozidioa artez zuritzearen aurka zeudela. Milaka artistak eta ehunka queer eta trans erakundek dagoeneko eskatu dute apartheidaren Israel Eurovisioneko kanpo uztea. Kazetari eta aurkezleek uko egin diote Eurovisionekin kolaboratzeari eta proiekzio asko bertan behera geratu dira.
Boikot kulturala arbuio dekoloniala da, palestinarren heriotza Europaren entretenimendurako sakoneko zarata bihurtzen duen ikuskizun arrazistari baimena kentzea.
Eurovision boikotatzeak Israelek palestinarren hilketa masiboaren normalizazioa baztertzea esan nahi du. Ezin da aniztasunaren ospakizunik egon palestinar hilobietan eraikitako eszenatoki batean.
Presio estrategiko eta areagotu batekin, badakigu Europar Irrati-Telebista Batasuna presionatu dezakegula Israel Eurovisionetik kanporatzeko. Deskolonizazioak kolonoen indarkeria normalizatzen duen plataforma oro desegitea eskatzen du, eta Eurovision ez da salbuespena.
ISRAEL EUROVISION ABESTIAREN JAIALDITIK KANPO UTZI ARTE, HAU ESKATZEN DUGU:
- Irrati-Telebista nazionalak Eurovisionetik erretiratzea.
- Eurovisioneko parte-hartzaileek uko egitea ekiteari.
- Tokiko aretoek bertan behera uztea Eurovision proiekzio-jaiak.
- Mundu osoko LGBTQIA+ erakundeek bat egitea boikotarekin.
LGBTQIA+ erakundeak: Sinatu gure deialdia
Deialdi hau sinatzeko, egin klik inprimakia betetzeko botoian edo bidali mezu elektroniko bat zure erakundearen helbidetik queercoalitionforpalestine@riseup.net helbidera, informazio honekin:
- 1. Taldearen edo erakundearen izena (nahitaezkoa)
- 2. Harremanetarako helbide elektronikoa (nahitaezkoa)
- 3. Profila sare sozialetan edo zure webgunerako esteka (nahitaezkoa)
- 4. Laguntza: (aukeratu gehienez 2 erantzun)
- A: Eurovisioni boikota egiteko antolaketan eta ekintzetan parte hartuko dugu (BDZko tokiko taldeekin lankidetzan)
- B: LGBTQIA+ erakunde bat gara
Deialdi hau sinatzen duten kolektibo guztiek mezu elektroniko kopuru txiki bat jasoko dute, Eurovisioni egindako boikotari buruzko informazio gehigarriarekin. Edozein unetan harpidetza utzi daiteke.