I a pas de liberacion en genocidi: crida mondiala d’organizacions LGBTIQA+ al boicòt a Eurovision 2024

Aprèp lo refús de l’Union Europèa de Radiodifusion (UER) d’interdire la colonia d’assentament genocida d’Israèl, ressonam de l’apèl palestinian per que las cadenas, concorsants, trabalhadors e espectators boicotan Eurovision 2024. Instam totes los concorsants, inclusits los que dison recentament que se retiraràn pas, que considèran lor ròtle dins l’istòria e utilizan lor votz per se solidarizar e boicotar lo concors.

Per permetre l’implicacion d’Israèl a Eurovision, l’UER es pas solament complice de blanquir lo genocidi, mas tanben ajuda lo pinkwashing o lavat rosa de l’apartheid d’Israèl –l’expleitacion cinica dels dreches LGBTIQA+ per projectar un imatge progressista– alara que fa genocidi contra 2,3 milions de Palestinians a Gaza. Eurovision a atrach l’interès, la passion e lo sosten de la comunautat LGBTIQA+ pendent de decennias e Israèl compren la valor propagandistica del concors. Dins los mots del president israelian Isaac Herzog, “Es important qu’Israèl apareis a Eurovision”.

Malgrat las claras peticions del Sindicat dels Jornalistas Palestinians e del movement BDS, amassa amb d’artistas de Suècia, Finlàndia e Islàndia, los organizators d’Eurovision an decidit de mantenir Israèl dins la competicion d’aquel an, tot en la declarant “un eveniment apolitic”. Aquò es un cambiament de ton al respècte de 2022, quand l’UER expulsèt Russia de la competicion après l’invasion d’Ucraïna. L’UER tanben ignora la resolucion de la Cort Internacionala de Justícia que considèra plausibla qu’Israèl siá cometent un genocidi.

Lo cinic lavat rosa d’Israèl es estat central dins sa participacion a Eurovision pendent fòrça ans. Dempuèi qu’adoptèt l’estrategia de la “Marca Israèl” en 2005, l’instrumentalizacion per Israèl dels dreches LGBTIQA+ e dels estils de vida dobèrts dels omosexuals foguèt clau dins sa campanha propagandistica de construccion de marca nacionala e d’ocultacion del regim d’apartheid. Eurovision –la granda celebracion de la pluma e l’ostentacion–, presenta una oportunitat perfiècha per qu’Israèl lava de rosa la negacion sistematica dels dreches del pòble palestinian.

Dempuèi octobre de 2023, Israèl a assassinat mai de 32.000 Palestinians a Gaza e a ferit mai de 75.000. Mai de 1,7 milions de Palestinians foguèron desplaçats. Las principalas organizacions internacionalas de dreches umans e experts de l’ONU informan qu’Israèl utiliza la fam coma arma contra los Palestinians a Gaza, e son sètge provòca de grèus mancanças de manjar, d’aiga e de medicaments essencials. Malurosament, los govèrns e las institucions europèas contunhan a provesir d’armas, finançament e sosten politic a Israèl.

I pòt pas aver cap de liberacion queer e trans sens libertat, justícia e egalitat pels Palestinians. Pendent mai de 75 ans, lo regim d’apartheid colonialista d’Israèl a panat, oprimit, netejat etnicament, empobrit, empresonat e assassinat palestinians autoctòns, que sián queer o pas. Ara vesèm de soldats israelians agitant de bandièras irisadas sus las ruïnes dels ostals palestinians que venon de bombardar.

Israèl utiliza l’omofòbia e la violéncia coma armas contra las personas queer palestinianas per impulsar son programa colonial. Difon propaganda racista disent que Palestina es pas un luòc segur per las gents queer. Afirma que pòrta dreches e libertats LGBTIQA+ a Gaza, alara que tua de palestinianas queer amb sos amics e familhas. Israèl ensag d’eliminar l’existéncia de las personas queer palestinianas, mas contunhan d’existir e de resistir, coma l’an fach pendent de decennias. Mai que mai, es l’ora que las personas queer del mond entièr assumissèm d’accions seriosas e estrategicas en solidaritat amb nòstras sòrres palestinianas.

Nos encoratja la decision del Rio Cinema d’anullar la mai granda fèsta de projeccion d’Eurovision de Londres, e tanben los milièrs d’artistas, politicians e personas de tota Euròpa que demandèron l’exclusion d’Israèl d’Eurovision 2024. Inspiram-nos dins lo movement global creissent per la liberacion de Palestina pendent l’intensificacion e escalam nòstras accions. Se pòt pas permetre que l’entrepresa d’Eurovision contunhe coma de costuma alara qu’Israèl ensag d’aniquilar o netejar etnicament tota la populacion de Gaza.

Coma collectius queer de Palestina e de tot lo mond, negam que lo regim d’apartheid colonialista d’Israèl instrumentalize nòstras identitats. La nòstra orgulha demora dins nòstras luchas collectivas per acabar amb la colonizacion, l’ocupacion e lo genocidi pertot. La nòstra orgulha es dins lo movement per la liberacion de totes nosautres. Del riu a la mar, Palestina vencerà!

APELAM LA COMUNAUTAT QUEER GLOBALA PER ADERIR A:

  • Demandar als participants d’Eurovision de refusar d’agir dins un concors de la cançon que cobrís lo genocidi
  • Organizar d’accions creativas per pressionar las cadenas estatalas per se retirar d’Eurovision
  • Demandar als locals l’anulacion de las fèstas de vista d’Eurovision e, al contrari, organizar d’actes educatius sul pinkwashing d’Israèl
  • Junhar al movement BDS
  • Junhar a l’apèl de Queers In Palestine
  • Partejar aquesta campanha amb d’amigas, companhas, amants, ligams e familha causida
Signatz l’apèl a l’accion